18-Jan-2022-تحریری مقابلہ( عشق کی باتیں)
★♥★♥★♥★
مری سانسوں کو مہکائے تو بات آگے بڑھائیں گے
کوئی اس دل کو بہلائے تو بات آگے بڑھائیں گے
قرابت بڑھ رہی ہے رفتہ رفتہ ان دنوں اپنی
اشارہ وہ جو فرمائے تو بات آگے بڑھائیں گے
بھری محفل میں وہ نظریں جمائے ہم پہ بیٹھے ہیں
ذرا پلکوں کو جھپکائے تو بات آگے بڑھائیں گے
رفیقوں سے کہوں ان جام و مئے سے کچھ نہیں ہوگا
کوئی آنکھوں سے چھلکائے تو بات آگے بڑھائیں گے
ملے دو وقت کی روٹی تو خدا کا شکر کر لینا
میسر وہ بھی نہ آئے تو بات آگے بڑھائیں گے
شب وصل اسکی جانب جب میں دیکھوں نظر الفت سے
سمٹ کر وہ بھی شرمائے تو بات آگے بڑھائیں گے
کسی کو بھیک میں بھی اپنی رفاقت ہم نہیں دیتے
کوئی دل میں اتر جائے تو بات آگے بڑھائیں گے
میاں فیضی محبت میں ابھی تم طفل مکتب ہو
یہ بڑھ کر عشق ہو جائے تو بات آگے بڑھائیں گے
★♥★♥★♥★
کاوش فکر: فرازفیضی، کشن گنج بہار
Mobile No: 9326 187 516
Vinita varma
24-Jan-2022 03:01 PM
Good
Reply
Zoya khan
22-Jan-2022 04:09 PM
Good
Reply
Simran Bhagat
19-Jan-2022 09:14 AM
Very good
Reply